Ижевск хулинче «Атӑлҫи федераци округӗн мисӗ тата мисиссӗ» илем конкурсӗ вӗҫленнӗ. Унта Чӑваш Енри, Удмуртири, Пушкӑртстанри тата Тутарстанри 99 чиперкке тупӑшнӑ.
Пирӗн ентеш Алина Денисова «Атӑлҫи федераци округӗн мисиссӗ» ята ҫӗнсе илнӗ. Вӑл Канаш округӗнче ҫуралса ӳснӗ, халь Ижевск хулинче ӗҫлесе пурӑнать. Вӑл - усламҫӑ. Ача ҫурчӗсене, йывӑрлӑха лекнӗ хӗрарӑмсене, килсӗр чӗрчунсене пулӑшать. Халӗ Мускаври конкурса хутшӑнма хатӗрленет, пурӑна киле тӗнче шайне тухма ӗмӗтленет.
Канаш округӗнче арҫын ҫӳп-ҫап ҫунтарма тӑнӑ та ӑнсӑртран газ баллонне сирпӗтнӗ.
Ку Атнаш ялӗнче пулнӑ. Каҫхине 48 ҫулти арҫын пичкери ҫӳп-ҫапа чӗртсе янӑ. Юнашарах газ баллонӗсем пулнӑ. Ҫулӑм ун патне ҫывхарнӑ та баллон сирпӗннӗ. Ҫавна май мунча, сарай стенисем ишӗлсе аннӑ. Арҫын хӑй чутах куҫсӑр юлман.
Вырӑна ҫитнӗ пушарнӑйсем 50 литрлӑ тулли баллона илсе тухса ӗлкӗрнӗ.
Канаш округӗнчи Вениаминпа Валентина Тимофеевсем пӗрлешнӗренпе сахал мар ҫул хыҫа юлнӑ. Вӗсем 60 ҫул каялла Шӑхасан клубӗнче ҫырӑннӑ. Мӑшӑр ҫак кунсенче кевер туя паллӑ тунӑ.
Вениамин Семеновичпа Валентина Тимофеевна 3 ачана кун ҫути парнелесе халӗ 4 мӑнукпа савӑнса пурӑнаҫҫӗ. Вӗсем ҫирӗп ҫемье вӑрттӑнлӑхне уҫнӑ: чӑн-чӑн юрату – пӗр-пӗрне хисеплени, ӑнланни тата чӑтӑмлӑх.
Надежда Степанова (Силпи) сӑвӑҫ пурнӑҫран уйрӑлса кайнӑ.
Надежда Степанова нумай ҫул Шупашкар районӗн администрацийӗнче пресс-секретарьте ӗҫлерӗ.
Пӗлекенсем каланӑ тӑрӑх, юлашки вӑхӑтра вӑл чирленӗ.
Пурнӑҫран вӑхӑтсӑр уйрӑлса кайнӑ Надежда Силпие ыран, нарӑс уйӑхӗн 6-мӗшӗнче, тӑван ялӗнче, Канаш районӗнчи Кӑшнаруйӗнче,юлашки ҫула ӑсатӗҫ. Ҫуралнӑ килӗнче пачӑшкӑ 11 сехетре кӗлӗ ирттерӗ, 12 сехетре ялти клуб умӗнче сывпулашу митингӗ пулӗ.
Кӑҫал Канаш округӗнче икӗ ҫӗнӗ фельдшерпа акушер пункчӗ пулӗ: Ҫӗнӗ Мамире тата Кӑшаруйра.
Ҫак икӗ ялта 500 яхӑн ҫын пурӑнать. Ҫӗнӗ ФАПсенче халӑха тивӗҫлӗ медицина пулӑшӑвӗ пама пӗтӗм услови пулӗ. Хальхи йышши оборудовани вырнаҫтарӗҫҫ, эмелсене упрамалли ятарлӑ вырӑн пулӗ. Унта вакцинаци тума, диспансеризацин малтанхи тапхӑрӗ витӗр тухма та условисем тӑвӗҫ.
ФАП сусӑрсене кӗрсе ҫӳремешкӗн те меллӗ пулӗ.
Шупашкарти Якимов ҫырминче пурӑнакан арҫын кӑвайт ҫинче апат пӗҫерсе пушар тунӑ. Унӑн хӑмаран ҫапса тунӑ пӳрчӗ ҫунса кайнӑ. Ку инкек ӗнер кӑнтӑрла пулнӑ. Юрать-ха, кил хуҫи хӑй, 65 ҫулти арҫын, чӗрех юлнӑ.
Тепӗр ҫур сехетрен Канаш округӗнчи пушарнӑйсен ҫулӑма сӳнтерме тивнӗ. Ҫатӑрка Ҫырми ялӗнче 76 ҫулти арҫыннӑн мунчи ҫунма пуҫланӑ. Пушарта сарай та ҫунса кайнӑ. Телее, суранланнисем пулман.
Чӑваш Республика культурин тава тивӗҫлӗ ӗҫченӗ, «Татмӑш ен» халӑх ансамблӗн ертӳҫи В.К. Дмитриев палӑртса хунӑ калаҫӑва пуҫласа яриччен ҫӳлӗк ҫинчен хуткупӑсне илчӗ те кӑмӑла ҫӗклекен кӗвӗ калама тытӑнчӗ. Пӳлӗме уҫӑ варкӑш вӗрсе кӗчӗ тейӗн ҫав. Эх, мӑнтарӑн хуткупӑсӗ! Ахальтен мар ӑна уяв чунӗ теҫҫӗ. Тӗлӗнмелле мар-и, йывӑр шухӑшсене вӑл туххӑмрах сирсе ярать, ал-урана ҫӑмӑллӑх кӳрет иккен. Виталий Кузьмич «маншӑн пулсан хуткупӑс» каларӑша та хӑйне май ӑнлантарать. Ҫак инструмент ӑна пурнӑҫ ҫулӗ ҫине кӑларнӑ-ҫке…
– Пӗр илемлӗ ир Кротова Нина почтальонка пирӗн алӑка пырса шаккарӗ, – аса илет Виталий Кузьмич. – Вӑл кӗнӗ-кӗмен сӗтел ҫине эпир халиччен курман хитре япала кӑларса лартрӗ. Кӗмӗл саслӑ тальянка илсе килнӗ-мӗн кӳршӗ хӗрарамӗ. Эпӗ, пиллӗкри ача, «теттене» тытса пӑхма хӑтланнӑ чух вӑл темле сасӑ пачӗ. Чӗнӳллӗн илтӗнчӗ ҫав сасӑ, чӗрӗ чун тейӗн. Атте вара ҫак парнен шурӑ пиҫиххине хулпуҫҫи урлӑ уртса ячӗ те пуҫланса кайрӗ килте мыскара: тӑпӑртатнипе урай хӑми авӑнать, сӗтел-пукан та ташша хутшӑнать.
Канаш округӗнче ӗнӗр каҫхине 30 ҫулти арҫын фура айне пулса вилнӗ.
Вӑл Елчӗк округӗнчен пулнӑ.
Малтанлӑха пӗлтернӗ тӑрӑх, каҫхи 8 сехет тӗлӗнче арҫын «зебрӑпа» каҫма тӑнӑ. Ҫав вӑхӑтра ун ҫине фура пырса кӗнӗ. Ҫакна курнӑ ҫынсем каланӑ тӑрӑх, ун чухне чарӑнура автобус тӑнӑ. Арҫын унта васкама пултарнӑ. Вӑл йывӑр сурансене пула ҫавӑнтах вилнӗ. Халӗ Патшалӑх автоинспекцийӗ ӗҫ-пуҫа тӗпчет.
Ӗнер, кӑрлачӑн 2-мӗшӗнче, Канаш хулинче лавккана Хӗл мучи тумне тӑхӑннӑ арҫын кӗнӗ те лавкка хуҫине персе пӑрахнӑ. Унччен маларах лавкка хуҫи Хӗл мучипе селфи ӳкерӗннӗ. Кайран Хӗл мучи тумӗ айӗнчен пистолет кӑларса сентре патӗнче тӑракан 54-ри арҫынна персе пӑрахнӑ та тухса тарнӑ.
Арҫынна Росгварди ӗҫченӗсем Канаш округӗнчи пӗр ялта тытса чарнӑ. Малтанлӑха пӗлтернӗ тӑрӑх, тытса чарнӑ арҫын лавкка хуҫине парӑмшӑн вӗлернӗ.
Канаш округӗнчи Энтрияль ялӗнче пурӑнакансене Хӗл мучипе Юр пике саламлама тухнӑ. Уяв асамҫисем ялта пурӑнакансене ҫитес ҫулта ырлӑхлӑ-сывлӑхлӑ пулма суннӑ.
Ҫынсем Хӗл мучипе Юр пикене хаваслӑн кӗтсе илнӗ, вӗсен саламӗсене кӑмӑлтан йышӑннӑ. Ачасем сӑвӑ каласа панӑ, юрӑсем шӑрантарнӑ. Хӗл мучи вара пурне те пылак парнесемпе хӑналанӑ.
+12.3 °C